有人發短訊給我，是簡單一個「hey」。我沒有儲存這個號碼，但直覺告訴我只有異性才會無端端這樣 hey 的。「Hi... sorry... you are？」
過了五分鐘，他 / 她才說：how embarrassing，so my number wasn't saved...
你可能以為我會好雀躍，但其實真係冇，因為你唔會明白我身邊嘅無聊朋友可以有幾無聊：佢哋係可以得閒冇事申請張太空卡玩吓我電話，又話咩傳染病中心打嚟叫我攞報告，又扮女人約我食飯，最後我中計就會笑足一個月。
恐防有詐，我冇回覆。
之後我收到呢張相。
「Oh，so we met at their client drinks？」我當然記得自己去過什麼地方，但真的忘了見過什麼有深度交流的異性。
「Yep，got plans for hh？」她說。
可能真係太寂寞，我懷著興奮的心情上路去了。
結果，見到佢之後，我同佢講咗三分鐘嘢就 excuse me 去咗洗手間，and here I am typing this post。
放心，佢真係女人，不過我還是要三個道理想分享。
一，原來人嘅大腦真係好得意，會自動過濾一啲唔值得記住嘅嘢，which explains why 我冇印象見過佢。
二，真係好食嘅嘢，係唔會有人送到埋口畀你食；換句話講，一定要自己爭取先會係好嘢。
三，見人之前，問清楚人哋個名先，因為 Linkedin 係一個偉大嘅發明，唔識利用就抵你死。
入咗嚟 15 分鐘，如果出到去佢已經走咗，戒牛半年。
Search